Fræðslunefnd Ísafjarðarbæjar
230. fundur
Árið 2005, þriðjudaginn 13. desember kl. 16:00 kom fræðslunefnd
Ísafjarðarbæjar saman til fundar í fundarsal bæjarstjórnar Ísafjarðarbæjar.
Mætt voru: Svanlaug Guðnadóttir, formaður, Kolbrún Sverrisdóttir, Elías Oddsson,
Jens Kristmannsson, Ingibjörg Guðmundsdóttir, varamaður Óðins Gestssonar, Iðunn
Antonsdóttir, grunnskólafulltrúi Ísafjarðarbæjar og Sigurlína Jónasdóttir,
leikskólafulltrúi Ísafjarðarbæjar. Fundarritari var: Iðunn Antonsdóttir.
Leikskólamál:
1. Umsóknir um starf leikskólastjóra á leikskólanum Sólborg. 2005-11-0077.
Jens Kristmannsson og Ingibjörg Guðmundsdóttir viku af fundi vegna tengsla við umsækjendur.
Leikskólafulltrúi lagði fram fjórar umsóknir sem borist höfðu um starf leikskólastjóra á leikskólanum Sólborg. Umsækjendur voru Guðrún Birgisdóttir, Helga Björk Jóhannsdóttir, Jensína Jensdóttir og Valdís Bára Guðmundsdóttir. Allir umsækjendur voru metnir hæfir.
Yfirmenn leikskólamála á Skóla – og fjölskylduskrifstofu og fræðslunefnd mæla með ráðningu Helgu Bjarkar Jóhannsdóttur við bæjarstjórn Ísafjarðarbæjar.
2. Fréttabréf leikskólanna Grænagarðs og Laufáss.
Fréttabréfin lögð fram til kynningar.
Skarphéðinn Jónsson skólastjóri GÍ kom á fundinn.
Grunnskólamál:
3. Ísbjarnaverkefni. 2005-11-0088.
Grunnskólafulltrúi sagði frá ferð sinni á kynningarfund vegna þátttöku Ísafjarðarbæjar í svonefndu Ísbjarnarverkefni, sem er gerð kennsluefnis með fjarskiptaaðkomu nemenda 5. – 7. bekkja í leiðangri ísbjarnaveiðimanna á Austur – Grænlandi 15. mars – 8. maí 2006. Allir grunnskólar Ísafjarðarbæjar, auk tveggja skóla í Reykjavík munu taka þátt í verkefninu.
4. Fundur Grunns, félags starfsmanna skólaskrifstofa.
Grunnskólafulltrúi sagði frá fundi Grunns, sem haldinn var í Reykjavík 9. desember sl.
Á fundinum voru kynntar hugmyndir menntamálaráðuneytis um endur – og símenntun kennara vegna fyrirhugaðrar styttingar náms til stúdentsprófs. Þá var rætt um þörf á kynningu til grunnskóla vegna þessarar breytingar.
Fræðslunefnd Ísafjarðarbæjar ítrekar fyrri ábendingar til menntamálaráðuneytis um kynningar til grunnskóla.
5. Niðurstöður samræmdra prófa.
Rætt um niðurstöður samræmdra prófa í 4. og 7. bekk og möguleika á að bæta árangur í íslensku og stærðfræði.
Í framhaldi þessa hvetur fræðslunefnd Ísafjarðarbæjar Fræðslumiðstöð Vestfjarða til að bjóða foreldrum grunnskólabarna námskeið í stærðfræði þeim til stuðnings vegna heimanáms barna.
Einnig rætt um forvarnarstarf og nauðsyn þess að efla það.
Grunnskólafulltrúa falið að mynda samstarfshóp fulltrúa foreldra, forvarnahópa og skóla – og félagsmálanefnda.
Þá var minnt á áherslur fræðslunefndar til bæjarstjórnar vegna gerðar fjárhagsáætlunar, t.a.m.varðandi öryggismál.
Fleira ekki bókað, fundi slitið kl. 18:00.
Svanlaug Guðnadóttir, formaður.
Kolbrún Sverrisdóttir. Elías Oddsson.
Ingibjörg Guðmundsdóttir. Jens Kristmannsson.
Sigurlína Jónasdóttir, leikskólafulltrúi. Iðunn Antonsdóttir, grunnskólafulltrúi.
Skarphéðinn Jónsson, skólastjóri.