Árið 2005, mánudaginn 26. september kl. 17:00 kom bæjarráð Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.

Almannavarnarnefnd 21/9. 57. fundur.
Fundargerðin er í sex liðum.
Fundargerðin lögð fram til kynningar.

Atvinnumálanefnd 22/9. 58. fundur.
Fundargerðin er í fjórum liðum.
Fundargerðin lögð fram til kynningar.

Félagsmálanefnd 20/9. 257. fundur.
Fundargerðin er í fjórum liðum.
Fundargerðin lögð fram til kynningar.

Lagt fram bréf Halldórs Halldórssonar, bæjarstjóra, dagsett 23. september s.l., er varðar möguleg kaup Ísafjarðarbæjar á Ísafjarðarvegi 6, Hnífsdal. Í bréfinu gerir bæjarstjóri grein fyrir viðræðum sínum við fulltrúa eiganda.

Bæjarráð felur bæjarstjóra að vinna áfram að málinu.

Lagt fram bréf frá Minningarsjóði Flateyrar dagsett 13. september s.l., er varðar minningarathöfn þann 26. október n.k., þegar tíu ár eru liðin frá hinum hörmulega atburði er snjóflóðið mikla féll á Flateyri. Í bréfinu er gerð grein fyrir fyrirhugaðri dagskrá. Þar sem búast má við að kostnaður vegna minningarathafnar verði talsverður er leitað eftir samvinnu við Ísafjarðarbæ, um þátttöku í þeim kostnaði, sem og framkvæmd dagskrárinnar.

Bæjarráð samþykkir þátttöku í dagskrá minningarathafnarinnar og samþykkir jafnframt styrk að upphæð kr. 245.000.- sem færður verði á liðinn 21-81-995-1.

Lagt fram bréf frá Jóhanni Marvinssyni og Gunnvöru Marvinsdóttur o.fl., dagsett 22. september s.l., þar sem þess er óskað að Ísafjarðarbær taki sem fyrst afstöðu til forkaupsréttar á jörðinni Heimabæ, Neðri-Arnardal, ásamt íbúðarhúsi. Bréfinu fylgja kauptilboð í jörðina og íbúðarhúsið.

Bæjarráð felur bæjarstjóra að afla frekari upplýsinga og frestar ákvörðun til næsta fundar bæjarráðs.

5. Bréf Landssambands slökkviliðs- og sjúkraflutningamanna. - Sjúkraflutningar á landsvísu. 2005-09-0053.

Lagt fram bréf frá Landssambandi slökkviliðs- og sjúkraflutningamanna dagsett 15. september s.l., er fjallar um samþykkt stjórnar félagsins, um að sveitarfélögin og heilbrigðisráðuneyti semdu um framkvæmd sjúkraflutninga á landsvísu.

Lagt fram til kynningar.

Lagt fram bréf frá Fasteignamati ríkisins dagsett 22. september s.l., varðandi útgáfu fasteignaskrár 31. desember 2005. Í bréfinu er bent á að sveitarstjórnir séu ábyrgar fyrir því að Fasteignamati ríkisins berist upplýsingar um lönd og lóðir og breytingar á þeim, svo og um öll mannvirki, sem gerð eru í umdæmum þeirra hvers um sig, breytingar á þeim og eyðingu þeirra.

Bæjarráð vísar erindinu til byggingarfulltrúa Ísafjarðarbæjar.

Fleira ekki gert, fundarbókun upp lesin og samþykkt. Fundi slitið kl. 17:47

Þorleifur Pálsson, ritari.

Guðni G. Jóhannesson, formaður bæjarráðs.

Birna Lárusdóttir. Lárus G. Valdimarsson.

Magnús Reynir Guðmundsson, áheyrnarfulltrúi.