Árið 2005, mánudaginn 25. júlí kl. 17:00 kom bæjarráð Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.

Atvinnumálanefnd 20/7. 55. fundur.
Fundargerðin er í fimm liðum.
Fundargerðin lögð fram til kynningar.

Lagt fram kauptilboð frá Elíasi Guðmundssyni, Aðalgötu 16, Suðureyri, dagsett 18. júlí s.l., í fasteignina Aðalgötu 13, Suðureyri, sem er Félagsheimilið Suðureyri. Í bréfinu kemur fram hugsanlegt kaupverð eignarinnar, sem og krafa um töluverð niðurrif hluta eignarinnar og frágangur fyrir afhendingu hennar.
Á fundinum lagði bæjarritari fram afrit af samningi eigenda Félagsheimilisins Suðureyri dagsettan 1. júní 1992, þar sem fram koma eftirfarandi eignahlutföll eigenda:
Suðureyrarhreppur (Ísafjarðarbær) 55%
Íþróttafélagið Stefnir 15%
Kvenfélagið Ársól 15%
Verkalýðs- og sjómannafélagið Súgandi 15%

Bæjarráð felur bæjarstjóra að kynna eigendum ofangreint kauptilboð í Aðalgötu 13, Suðureyri. Jafnframt felur bæjarráð bæjarstjóra að láta gera kostnaðaráætlun varðandi þá liði er tilboðsgjafi fer fram á, að Ísafjarðarbær framkvæmi fyrir afhendingu eignarinnar, komi til sölu hennar.

Lagt fram bréf frá forstöðumanni Skóla- og fjölskylduskrifstofu og bæjarritara, dagsett 19. júlí s.l., þar sem gerð er grein fyrir fyrri afgreiðslu Ísafjarðarbæjar á erindi er varðar þátttöku sveitarfélagsins í kennslukostnaði vegna tónlistanáms á framhaldsstigi utan lögheimilissveitarfélags og reglum er samþykktar voru fyrir skólaárið 2004-2005.
Á 441. fundi bæjarráðs þann 18. júlí s.l., var lagt fram erindi frá Halldóri G. Pálssyni, Flateyri, þar sem hann sækir um að Ísafjarðarbær greiði framlag til Tónlistarskóla FÍH, vegna setu hans í skólanum skólaárið 2005-2006. Erindinu var vísað til fræðslunefndar og Skóla- og fjölskylduskrifstofu.
Þar sem vegna sumarleyfa er erfitt að ná saman nefndarfundum leggja ofangreindir bréfritarar eftirfarandi til við bæjarráð. ,,Bæjarráð samþykkir að viðmiðunarreglur er samþykktar voru í bæjarráði þann 9. ágúst 2004, um þátttöku Ísafjarðarbæjar í kennslukostnaði vegna tónlistanáms á framhaldsstigi utan lögheimilissveitarfélags, gildi fyrir skólaárið 2005-2006."

Bæjarráð samþykkir ofangreinda tillögu, um þátttöku Ísafjarðarbæjar í kennslukostnaði vegna tónlistanáms á framhaldsstigi utan lögheimilissveitarfélags.
Bæjarráð áréttar fyrri samþykkt bæjarstjórnar Ísafjarðarbæjar, um að framhaldsnám í listgreinum eigi að vera á höndum ríkisins rétt eins og annað framhaldsnám.

Lagður fram undirritaður kaupsamningur með afsali vegna sölu Ísafjarðarbæjar á Neðri Tungu í Skutulsfirði, til Arnþrúðar H. Aspelund, Ísafirði, Péturs Tryggva Hjálmarssonar, Ísafirði og Ylgur ehf., Ísafirði. Samningurinn er undirritaður af bæjarritara fyrir hönd Ísafjarðarbæjar, með fyrirvara um samþykki bæjarráðs. Jafnframt er lagður fram áður samþykktur grunnleigusamningur.

Bæjarráð samþykkir framlagðan kaupsamning með afsali.

Lagt fram afrit af bréfi Ísafjarðarbæjar til Ólafs Þórs Zoega, dagsett 21. júlí s.l., þar sem honum er tilkynnt að rift hafi verði fyrri samþykkt á kauptilboði hans í Hafnarstræti 17, Ísafirði, þar sem ekki hefur verið staðið við forsendur í kauptilboðinu.

Bæjarráð samþykkir að húseignin Hafnarstræti 17, Ísafirði, verði rifin nú þegar og felur tæknideild Ísafjarðarbæjar að annast framkvæmdina.

Lögð fram drög að kaupsamningi vegna væntanlegra kaupa Ísafjarðarbæjar á húseignum og lóð að Silfurgötu 5 og skúr ásamt lóð að Silfurgötu 8b á Ísafirði. Kaupverð er samtals kr. 18.000.000.-

Bæjarráð samþykkir framlagðann kaupsamning og felur bæjarstjóra að undirrita hann f.h. Ísafjarðarbæjar. Fjármögnun komi af liðnum 09-29 og liðnum 32-59.

Lagt fram bréf frá Sturlu Páli Sturlusyni, Ísafirði, dagsett 18. júlí s.l., þar sem hann óskar eftir afstöðu Ísafjarðarbæjar til forkaupsréttar á húseigninni Skólagötu 6, Suðureyri, bréfinu fylgir afrit af kaupsamningi. Jafnframt er lagt fram minnisblað byggingarfulltrúa, upplýsingar um staðsetningu húseignarinnar með tilliti til skipulags.

Bæjarráð felur bæjarstjóra að ræða við bréfritara.

Lagt fram minnisblað frá forstöðumanni Skóla- og fjölskylduskrifstofu og formanni íþrótta- og tómstundanefndar dagsett 22. júlí s.l., er varðar umsögn um afnot af Íþróttahúsinu Torfnesi, vegna styrktartónleika á vegum Gunnars Atla Gunnarssonar, samkvæmt bréfi hans dagsettu 13. júlí s.l. Í bréfi sínu óskar Gunnar Atli eftir styrk vegna fyrirhugaðra góðgerðartónleika í Íþróttahúsinu Torfnesi þann 25. ágúst n.k.
Leigugjald af húsinu í einn sólahring er kr. 178.160. - og leggja ofangreindir til að húsið verði ekki lánað endurgjaldslaust með öllu, heldur lækki leigugjaldið niður í kr. 60.000.- Gerður verði sérstakur samningur um þessa útleigu hússins.

Bæjarráð frestar afgreiðslu og felur bæjarstjóra að ræða við bréfritara og frostöðumann Skóla- og fjölskylduskrifstofu.

Fleira ekki gert, fundarbókun upp lesin og samþykkt. Fundi slitið kl. 18:07

Þorleifur Pálsson, ritari.

Guðni G. Jóhannesson, formaður bæjarráðs.

Birna Lárusdóttir. Kolbrún Sverrisdóttir.

Magnús Reynir Guðmundsson, áheyrnarfulltrúi.