Árið 2005, mánudaginn 6. júní kl. 17:00 kom bæjarráð Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.

Barnaverndarnefnd 25/5. 54. fundur.
Fundargerðin er í tveimur liðum.
Fundargerðin lögð fram til kynningar.

Barnaverndarnefnd 2/6. 55. fundur.
Fundargerðin er í þremur liðum.
Fundargerðin lögð fram til kynningar.

Byggingarnefnd framtíðarhúsnæðis Grunnskólans á Ísafirði 1/6. 9. fundur.
Fundargerðin er í þremur liðum.
2. liður. Bæjarráð samþykkir tillögu byggingarnefndar, um að gengið verði til samninga við Arkiteo ehf., um arkitektahönnun á viðbyggingu 2. áfanga við Grunnskólann á Ísafirði. Samningsfjárhæð kr. 24.945.810.- auk vsk.
Bæjarráð samþykkir tillögu byggingarnefndar, um að gengið verði til samninga við Tækniþjónustu Vestfjarða ehf., um hönnun á burðarvirki, lögnum og brunahönnun fyrir 2. áfanga við Grunnskólann á Ísafirði. Samningsfjárhæð kr. 12.730.000.- án vsk.
3. liður. Bæjarráð felur bæjarstjóra að ræða við eigendur Brunngötu 20 og Silfurgötu 5, Ísafirði.
Aðrir liðir lagðir fram til kynningar.

Fræðslunefnd 31/5. 220. fundur.
Fundargerðin er í átján liðum.
Fundargerðin lögð fram til kynningar.

Lagt fram bréf Elíasar Oddssonar f.h. Hesteyringa dagsett 31. maí s.l., þar sem landeigendur leita mögulegrar aðstoðar Ísafjarðarbæjar við að koma upp merkingum á Hesteyri, er vísa aðkomumönnum leið um svæðið eða á slóðir til næstu byggða.

Bæjarráð vísar erindinu til atvinnumálanefndar.

Lagt fram bréf Ásgeirs Överby dagsett 27. maí s.l., þar sem hann óskar eftir að fá á leigu húseignina Hlíðarveg 51, Ísafirði, til eins árs. Eignin var á síðasta ári keypt af Ísafjarðarbæ til niðurrifs.

Bæjarráð hafnar erindinu og felur bæjarstjóra að kanna önnur úrræði varðandi húsnæði í samráði við bréfritara.

Lagt fram bréf frá Hólmavíkurhreppi dagsett 26. maí s.l., þar sem fram kemur að hreppsnefnd Hólmavíkurhrepps fagnar samþykkt bæjarstjórnar Ísafjarðarbæjar, um flýtiframkvæmd vegar um Arnkötludal og Gautsdal og tekur jákvætt í erindið. Þá var einnig samþykkt í hreppsnefndinni að óska eftir viðræðum sem fyrst.

Bæjarráð samþykkir að boða til fundar þegar svör hafa borist frá öllum viðkomandi sveitarfélögum.

Lagt fram bréf frá Bolungarvíkurkaupstað dagsett 2. júní s.l., þar sem fram kemur að bæjarstjórn Bolungarvíkur tekur undir með bæjarstjórn Ísafjarðarbæjar, um að kannaðir verði möguleikar á flýtiframkvæmd vegar um Arnkötkudal og Gautsdal og var bæjarstjóra Bolungarvíkur falið að taka málið upp við bæjarstjórn Ísafjarðarbæjar.

Bæjarráð vísar til bókunar sinnar í 4. lið.

Lagt fram bréf frá Fjórðungssambandi Vestfirðinga dagsett 3. júní s.l., er varðar 50. Fjórðungsþing Vestfirðinga, er haldið verður á Patreksfirði dagana 2. og 3. september n.k. Sveitarstjórnir eru minntar á að senda kjörbréf fyrir fulltrúa til skrifstofu Fjórðungssambandsins, sem fyrst eða eigi síðar en 1. júlí n.k.

Bæjarráð felur bæjarstjóra að ganga frá kjörbréfum fyrir fulltrúa Ísafjarðarbæjar.

Lagt fram bréf frá Jóhanni Birki Helgasyni, bæjartæknifræðingi, dagsett 3. júlí s.l., er varðar framtíðarhúsnæði Grunnskólans á Ísafirði og tillögu byggingarnefndar GÍ um að ganga til samninga við hönnuði fyrir 2. áfanga á grundvelli meðfylgjandi samningsdraga. Um er að ræða hönnun á nýbyggingu á tveimur hæðum um það bil 1.800 fermetra að stærð.

Bæjarráð vísar til afgreiðslu sinnar á fundargerð byggingarnefndar framtíðarhúsnæðis Grunnskólans á Ísafirði frá 1. júní s.l.

Fleira ekki gert, fundarbókun upp lesin og samþykkt. Fundi slitið kl. 17:50

Þorleifur Pálsson, ritari.

Guðni G. Jóhannesson, formaður bæjarráðs.

Ragnheiður Hákonardóttir. Lárus G. Valdimarsson.

Magnús Reynir Guðmundsson, áheyrnarfulltrúi.

Halldór Halldórsson, bæjarstjóri.