Bæjarráð Ísafjarðarbæjar
417. fundur
Árið 2005, mánudaginn 10. janúar kl. 17:00 kom bæjarráð Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.
Þetta var gert:
1. Viðræður við bæjarráð – forstöðumaður umhverfissviðs. 2003-10-0020.
Til fundar við bæjarráð er mættur Jóhann B. Helgason, forstöðumaður umhverfissviðs, sem gerði grein fyrir stöðu framkvæmda við nýtt íþróttahús á Suðureyri.
2. Fundargerðir nefnda.
Almannavarnanefnd 2., 3., 4. og 5./01. 47. – 53. fundur.
Fundargerðirnar eru í einum málslið.
Fundargerðirnar lagðar fram til kynningar.
Barnaverndarnefnd 6/01. 43. fundur.
Fundargerðin er í einum tölulið.
Fundargerðin lögð fram til kynningar.
Fræðslunefnd 28/12. 208. fundur.
Fundargerðin er í fimm töluliðum.
2. tölul. Bæjarráð vísar tillögunni til gerðar fjárhagsáætlunar 2005.
Aðrir liðir fundargerðarinnar lagðir fram til kynningar.
3. Fjárhagsáætlun 2005 – gögn til síðari umræðu. 2005-01-0003.
Lögð fram bréf ásamt fylgigögnum frá Þóri Sveinssyni, fjármálastjóra, dagsett 3. og 4. janúar sl., varðandi sorpeyðingargjöld 2005 á lögaðila, reglur um niðurfellingu fasteignagjalda 2005 til elli- og örorkulífeyrisþega og reglur um styrkveitingu til félagasamtaka til greiðslu fasteignagjalda 2005. Lagðar fram breytingartillögur við frumvarp að fjárhagsáætlun 2005 frá fyrri umræðu frá meirihluta og frá F-lista.
Bæjarráð vísar tillögunum til bæjarstjórnar.
4. Bæjarritari – gömul hús í Ísafjarðarbæ. 2005-01-0025.
Lagt fram minnisblað ásamt fylgigögnum frá Þorleifi Pálssyni, bæjarritara, dagsett 3. janúar sl., varðandi gömul verðlítil hús í eigu Ísafjarðarbæjar.
Bæjarráð felur bæjarstjóra að móta reglur um ráðstöfun verðlítilla húsa í eigu Ísafjarðarbæjar á grunni framlagðra gagna.
5. Sindraberg ehf – yfirlýsing vegna hlutafjár. 2005-01-0026.
Lögð fram yfirlýsing Ísafjarðarbæjar dagsett 28. desember sl., varðandi meðferð hlutafjár Ísafjarðarbæjar í Sindrabergi ehf.
Bæjarráð leggur til við bæjarstjórn að yfirlýsingin verði samþykkt.
6. Fjármálastjóri - mánaðarskýrsla um rekstur og fjárfestingar fyrir mánuðina janúar-nóvember 2004. 2004-08-0046.
Lagt fram bréf Þóris Sveinssonar, fjármálastjóra, dagsett 5. janúar sl., mánaðarskýrsla um rekstur og fjárfestingar fyrir mánuðina janúar-nóvember 2004.
Lagt fram til kynningar
7. Snjómokstur á skíðavegi upp að Seljalandsdal. 2005-01-0021.
Lagt fram bréf frá Friðgerði, Guðríði og Ásdísi Guðmundsdætrum dagsett 28. desember sl., varðandi snjómokstur á skíðavegi upp að Seljalandsdal.
Bæjarráð vísar erindinu til tæknideildar.
8. Þekkingarsetur á Ísafirði – skipan starfshóps. 2005-01-0027.
Lögð fram útskrift af vefi menntamálaráðuneytisins dagsett í janúar 2005, þar sem tilkynnt er um skipan starfshóps vegna undirbúnings stofnunar þekkingarseturs á Ísafirði.
Lagt fram til kynningar.
9. Hólmavíkurhreppur – opnun íþróttamiðstöðvar. 2005-01-0018.
Lagt fram bréf frá Hólmavíkurhreppi, dagsett 2. janúar sl., þar sem fulltrúum Ísafjarðarbæjar er boðið að vera viðstaddir formlega opnun nýrrar íþróttamiðstöðvar á Hólmavík 15. janúar nk. kl. 14.00.
Bæjarráð þakkar gott boð og vísar erindinu til íþrótta- og æskulýðsfulltrúa.
10. Andri Árnason hrl. bæjarlögmaður – trúnaðarmál. 2003-11-0044.
Lagt fram minnisblað frá Andra Árnasyni hrl. bæjarlögmanni varðandi trúnaðarmál.
Bæjarráð felur bæjarstjóra að ganga frá málinu.
11. Byggðasafn Vestfjarða – ársreikningur 2003. 2005-01-0028.
Lagður fram ársreikningur Byggðasafns Vestfjarða vegna ársins 2003.
Lagt fram til kynningar.
12. VST hf – úttekt á mötuneytum í leik- og grunnskólum Ísafjarðarbæjar. 2005-01-0029.
Lögð fram skýrsla VST hf dagsett í desember 2004 varðandi úttekt á mötuneytum í leik- og grunnskólum Ísafjarðarbæjar.
Bæjarráð felur fjármálastjóra að vinna greinargerð um skýrsluna.
13. Formaður bæjarráðs – nátttúruhamfarir í Asíu. 2005-01-0030.
Guðni G. Jóhannesson, formaður bæjarráðs, lagði fram tillögu um að Ísafjarðarbær leggi fram 250.000 kr. sem framlag í söfnun vegna nátttúruhamfara í Asíu.
Bæjarráð samþykkir tillöguna og kostnaður verði færður á bókhaldslykilinn 21-81-9951, ýmsir styrkir.
Fleira ekki gert, fundarbókun upp lesin og samþykkt. Fundi slitið kl. 20:03.
Þórir Sveinsson, ritari.
Guðni G. Jóhannesson, formaður bæjarráðs.
Ragnheiður Hákonardóttir. Lárus G. Valdimarsson.
Magnús Reynir Guðmundsson, áheyrnarfulltrúi.
Halldór Halldórsson, bæjarstjóri.