Árið 2003, þriðjudaginn 7. október kl.17:00 kom bæjarráð Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.

Þetta var gert:

Lögð fram drög að vinnuferli við gerð fjárhagsáætlunar fyrir árið 2004, sem Halldór Halldórsson, bæjarstjóri, fór yfir. Þórir Sveinsson, fjármálastjóri, mætti á fund bæjarráðs undir þessum lið.

Bæjarráð samþykkir framlögð drög að vinnuferli fyrir fjárhagsáætlun ársins 2004.

Almannavarnarnefnd 30/9.
Fundargerðin lögð fram til kynningar.

Umhverfisnefnd 1/10. 173. fundur.
Fundargerðin er í tólf liðum.
Fundargerðin lögð fram til kynningar.

Þróunar- og starfsmenntunarsjóður Ísafjarðarbæjar 15/9. 7. fundur.
Fundargerðin er í tveimur liðum.
Fundargerðin lögð fram til kynningar.

Þróunar- og starfsmenntunarsjóður Ísafjarðarbæjar 30/9. 8. fundur.
Bæjarráð leggur til við bæjarstjórn að breytingar á úthlutunarreglum fyrir Þróunar- og starfsmenntunarsjóð verði samþykktar.
Fundargerðin lögð fram til kynningar.

Lögð fram endurskoðuð drög að samþykkt um kattahald í Ísafjarðarbæ. Drögin voru áður lögð fyrir 357. fund bæjarráðs og þar vísað til bæjarstjóra til frekari skoðunar.

Bæjarráð vísar drögum að samþykkt um kattahald til fyrri umræðu í bæjarstjórn Ísafjarðarbæjar.
Bæjarráð leggur til við bæjarstjórn að aðgerðum til fækkunar villikatta í Ísafjarðarbæ verði haldið áfram.

Lagt fram að nýju í bæjarráði mál er varðar gjaldtöku Reykjavíkurborgar fyrir nemendur í tónlistarskólum í Reykjavík, nemendur með lögheimili utan Reykjavíkur. Afgreiðslu málsins var frestað á 357. fundi bæjarráð.

Meirihluti bæjarráðs stendur við fyrri ákvörðun sína um að greiða ekki með nemendum í tónlistarnámi á framhaldsstigi, sem stunda nám í Reykjavík. Eins og stendur er enginn nemandi frá Ísafjarðarbæ í slíku námi. Þessi ákvörðun verður endurskoðuð um áramót, en þá á að liggja fyrir niðurstaða í viðræðum ríkis og sveitarfélaga um yfirtöku ríkisins á tónlistarnámi á framhaldsskólastigi. Það er eindregin afstaða meirihluta bæjarráðs, að þetta verkefni eigi alfarið að vera á hendi ríkisins.

Bryndís G. Friðgeirsdóttir lagði fram svohljóðandi bókun. ,,Ítreka tillögu mína frá síðasta fundi bæjarráðs, um að samþykkja tillögu fræðslunefndar og skora á bæjarstjórn að láta ágreining milli ríkis og sveitarfélaga ekki bitna á nemendum með lögheimili í Ísafjarðarbæ, sem hyggjast stunda tónlistarnám á framhaldsstigi í Reykjavík."

Lögð fram drög að breyttum reglum um húsnæði fyrir starfsmenn Ísafjarðarbæjar. Núgildandi reglur voru samþykktar á fundi bæjarstjórnar Ísafjarðarbæjar þann 19. mars 1998.

Bæjarráð vísar drögum að breyttum reglum um húsnæði fyrir starfsmenn Ísafjarðarbæjar til afgreiðslu í bæjarstjórn.

Lagt fram bréf Halldórs Halldórssonar, bæjarstjóra, dagsett 1. október s.l., ásamt eintaki af fjárlagaerindum Ísafjarðarbæjar, er lögð voru fyrir fjárlaganefnd á fundi bæjarstjóra og formanns bæjarráðs með nefndinni þann 29. september s.l.

Lagt fram til kynningar.

Lagt fram bréf Heilbrigðiseftirlits Vestfjarða dagsett 29. september s.l., ásamt fundargerð 38. fundar heilbrigðisnefndar Vestfjarða frá 26. september s.l. Bréfinu fylgir listi yfir þau fyrirtæki í Ísafjarðarbæ, sem fengið hafa heimsóknir á árinu og sveitarfélagið getur innheimt eftirlitsgjöld af.

Lagt fram til kynningar.

Lagt fram bréf frá Samb. ísl. sveitarf. dagsett 26. september s.l., er varðar heimildarákvæði 4. og 5. mgr. 5. gr. laga nr. 4/1995 um tekjustofna sveitarfélaga. Í bréfinu vill sambandið vekja athygli allra sveitarfélaga á meðfylgjandi úrskurðum félagsmálaráðuneytis frá 3. júlí og 20. ágúst 2003.

Lagt fram til kynningar.

Fleira ekki gert, fundarbókun upp lesin og samþykkt. Fundi slitið kl. 18:53

Þorleifur Pálsson, ritari.

Guðni G. Jóhannesson, formaður bæjarráðs.

Birna Lárusdóttir. Bryndís G. Friðgeirsdóttir.

Halldór Halldórsson, bæjarstjóri.

Magnús Reynir Guðmundsson, áheyrnarfulltrúi.