Árið 2003, mánudaginn 8. september kl.17:00 kom bæjarráð Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.

Þetta var gert:

Atvinnumálanefnd 29/8. 33. fundur.
Fundargerðin er í fjórum liðum.
1. tölul. Bæjarráð leggur til við bæjarstjórn að erindið verði samþykkt.
Aðrir liðir fundargerðarinnar lagðir fram til kynningar.

Barnaverndarnefnd 4/9. 12. fundur.
Fundargerðin er í einum málslið.
Fundargerðin lögð fram til kynningar.

Félagsmálanefnd 26/8. 209. fundur.
Fundargerðin er í tveimur liðum.
Fundargerðin lögð fram til kynningar.

Félagsmálanefnd 2/9. 210. fundur.
Fundargerðin er í sjö liðum.
Fundargerðin lögð fram til kynningar.

Íþrótta- og æskulýðsnefnd 4/9. 16. fundur.
Fundargerðin er í tveimur liðum.
Til viðræðna á fund bæjarráðs er mættur Björn Helgason, íþrótta- og æskulýðsfulltrúi.
1. tölul. Bæjarráð telur tillöguna of seint fram komna þar sem skólastarf er hafið og samþykkir að Grunnskóli Súðavíkur haldi þeim tímum í Sundhöll Ísafjarðar sem úthlutað var í júní s.l.
2. tölul. Bæjarráð frestar afgreiðslu málsins til næsta bæjarráðsfundar og felur bæjarstjóra og íþrótta- og æskulýðsfulltrúa að yfirfara samningsins m.t.t. umræðna á fundinum.

Landbúnaðarnefnd 4/9. 57. fundur.
Fundargerðin er í tveimur liðum.
Bæjarráð staðfestir fundargerðina.

Umhverfisnefnd 4/9. 172. fundur.
Bryndís G. Friðgeirsdóttir, bæjarfulltrúi, tilkynnir að varafulltrúi Samfylkingarinnar í umhverfisnefnd er Helga Björk Jóhannsdóttir þar sem Sæmundur Þorvaldsson aðalmaður í umhverfisnefnd er í tímabundnu leyfi.
Fundargerðin er í níu liðum.
Bæjarráð staðfestir fundargerðina.

Lagt fram bréf ásamt fylgigögnum frá Rósamundu Jónu Baldursdóttur, dagsett 5. ágúst s.l., þar sem hún óskar eftir niðurfellingu á hundaleyfisgjaldi fyrir lögregluhundinn Dofra.

Bæjarráð vísar erindinu til landbúnaðarnefndar til umsagnar.

Lagt fram bréf frá Stefáni Þórarinssyni, ráðgjafa hjá Nýsi ehf, dagsett 1. sept. s.l., varðandi úthlutun á byggðakvóta Ísafjarðarbæjar 2003-2004.

Bæjarráð felur bæjarstjóra að afla upplýsinga um ráðstöfun kvótans á liðnu fiskveiðiári og gera því grein fyrir niðurstöðunum.

Lagt fram bréf frá Kristjáni Haraldssyni, orkubússtjóra, dagsett 3. sept. s.l., þar sem boðað er til samráðs- og upplýsingafundar um starfsemi Orkubús Vestfjarða hf föstudaginn 12. sept. nk. kl. 14.00 í fundarsal félagsins að Stakkanesi 1, Ísafirði.

Formaður bæjarráðs lagði til að bæjarstjóri og bæjarráðsmenn mæti á fundinn. Tillagan samþykkt.

Lögð fram reglugerð nr. 596 frá 8. ágúst 2003 um úthlutun á 1.500 þorskígildislestum til stuðnings sjávarbyggðum.

Lagt fram til kynningar.

Lögð fram fundargerð 705. stjórnarfundar Sambands ísl. sveitarfélaga.

Lagt fram til kynningar.

Fleira ekki gert, fundarbókun upp lesin og samþykkt. Fundi slitið kl. 18:18.

Þórir Sveinsson, ritari.

Guðni G. Jóhannesson, formaður bæjarráðs.

Birna Lárusdóttir. Bryndís G. Friðgeirsdóttir.

Halldór Halldórsson, bæjarstjóri.

Magnús Reynir Guðmundsson, áheyrnarfulltrúi.