Árið 2002, mánudaginn 1. júlí kl. 17:00 kom bæjarráð Ísafjarðarbæjar saman til fundar í fundarsal bæjarstjórnar í Stjórnsýsluhúsinu á Ísafirði.

Hafnarstjórn 25/6. 65. fundur.
Fundargerðin lögð fram til kynningar.

Lagt fram kauptilboð frá Antoni Magnússyni, Suðureyri, í Hjallaveg 21, efri hæð, Suðureyri.

Bæjarráð felur bæjarstjóra að auglýsa eignina til sölu og tilkynna jafnframt núverandi leigutaka um auglýsingu hennar.

Lagt fram bréf frá Fjórðungssambandi Vestfirðinga dagsett 26. júní s.l., varðandi mótun stefnu í menningarmálum á Vestfjörðum. Á 46. Fjórðungsþingi Vestfirðinga var samþykkt að Fjórðungssambandið hefði frumkvæði að vinnu við gerð sameiginlegrar stefnumótunar sveitarfélaga í menningarmálum á Vestfjörðum.
Með tilvísun til þessa verður boðað til funda með sveitastjórnum á Vestfjörðum í viku 28 það er dagana 8. - 12. júlí n.k. Fljótlega verður haft samband um niðurröðun funda.

Bæjarráð felur menningarmálanefnd að mæta til væntanlegs fundar á vegum Fjórðungssambandsins.

Lagt fram bréf frá Þjóðhagsstofnun dagsett í júní 2002, þar sem tilkynnt er að stofnunin verði lögð niður frá og með 1. júlí 2002. Í lok bréfs þakkar Þjóðhagsstofnun viðskiptavinum og samstarfsaðilum langt og gott samstarf.

Lagt fram til kynningar.

Lagðar fram fundargerðir Heilbrigðisstofnunarinnar, Ísafjarðarbæ, frá 33. 34. 35. 36. og 37. fundi stjórnarinnar er haldinir voru á tímabilinu maí 2001 - apríl 2002.

Lagt fram til kynningar.

Lagt fram bréf frá Samb. ísl. sveitarf. dagsett 19. júní s.l., þar sem boðað er til XVII landsþings Samb. ísl. sveitarf., sem haldið verður á Akureyri dagana 25. - 27. september 2002.

Bæjarráð tekur fram að bæjarstjórn hefur kosið fulltrúa Ísafjarðarbæjar á landsþingið og leggur áherslu á að aðrir bæjarfulltrúar hafa tækifæri til að sitja þingið sem áheyrnarfulltrúar.

Lögð fram fundargerð stjórnar Samb. ísl. sveitarf. frá 692. fundi er haldinn var að Háaleitisbraut 11 í Reykjavík þann 14. júní 2002.

Lagt fram til kynningar.

Lagt fram bréf frá Vegur, áhugamannafélag, Miðstræti 1, Bolungarvík, dagsett þann 14. júní s.l., ásamt greinargerð um undirbúning og athuganir á möguleikum á einka- fjármögnun vegar milli Hólmavíkur og Gilsfjarðar um Arnkötludal og Gautsdal.

Lagt fram til kynningar.

Bæjarráð beinir því til atvinnumálanefndar Ísafjarðarbæjar að taka saman hjá atvinnurekendum í Ísafjarðarbæ hvaða áhrif það hefur á inn- og útflutning þeirra, að kostur á framhaldsfrakt hjá skipafélögum er aflagður.

Fleira ekki gert, fundarbókun upp lesin og samþykkt. Fundi slitið kl. 18:35

Þorleifur Pálsson, ritari.

Guðni G. Jóhannesson, formaður bæjarráðs.

Ragnheiður Hákonardóttir. Lárus G. Valdimarsson.

Halldór Halldórsson, bæjarstjóri.

Magnús Reynir Guðmundsson, áheyrnarfulltrúi.