Árið 2004, þriðjudaginn 24. febrúar kl. 17:00 hélt atvinnumálanefnd Ísafjarðarbæjar fund á skrifstofu Ísafjarðarbæjar.
Mættir: Elías Guðmundsson, formaður, Kristján G. Jóhannsson , Gísli H. Halldórsson, Magnús Reynir Guðmundsson og Rúnar Óli Karlsson, ritari.
Björn Davíðsson er fjarverandi. Varamaður mætti ekki í hans stað.

Shiran Þórisson mættur til fundar við nefndina. AtVest hefur áhuga á að taka að sér verkefnið ,,Stefnumótun í atvinnumálum", ef samningar nást og jafnvel ráða sérstakan starfsmann til að sinna þessu verkefni og öðrum verkefnum á vegum sveitarfélagsins eða annara aðila á Vestfjörðum.

Formanni atvinnumálanefndar falið að vinna málið áfram. Shiran vék af fundi eftir þennan lið.

Dorothee Lubecki, ferðamálafulltrúi Vestfjarða, mætti á fund nefndarinnar til að fara yfir nokkur verkefni. Rætt var um Gísla Súrsonar verkefnið, markaðsmál og umhverfismál í tengslum við ferðamennsku.

Nefndin þakkar Dorothee fyrir fróðlegt erindi. Hún vék af fundi eftir þennan lið. Magnús Reynir Guðmundsson vék af fundi kl. 18:00

Farið yfir tilnefningar um frumkvöðul ársins 2003. Atvinnufulltrúa falið að skoða nokkrar tilnefningar sérstaklega.

Formaður nefndarinnar leggur til að fresta málinu um Ljósvakfélag Ísafjarðarbæjar fram í september vegna væntanlegrar fjarskiptaáætlunar, sem tekur á dreifingu sjónvarpsefnis á landsbyggðinni.

Nefndin hittist á óformlegum fundi á Hótel Ísafirði þann 12. febrúar s.l., ásamt Sævar Kristinssyni ráðgjafa hjá Netspori vegan stefnumótunar í atvinnumálum. Í kjölfarið var ákveðið að leita eftir samningum við AtVest um málið.

Fleira ekki gert, fundarbókun upp lesin og samþykkt, fundi slitið kl. 19:00

Elías Guðmundsson, formaður.

Kristján G. Jóhannsson Gísli H. Halldórsson.

Magnús Reynir Guðmundsson. Rúnar Óli Karlsson, atvinnu- og ferðamálafulltrúi.