Atvinnumálanefnd
26. fundur
Árið 2003, föstudaginn 7. mars kl. 17:00 hélt atvinnumálanefnd Ísafjarðarbæjar
fund á skrifstofu Ísafjarðarbæjar.
Mættir: Elías Guðmundsson, formaður, Kristján G. Jóhannsson, Gísli H. Halldórsson,
Björn Davíðsson og Rúnar Óli Karlsson.
Magnús Reynir Guðmundsson var fjarverandi. Varamaður hans mætti ekki.
Þetta var gert:
Kosning á frumkvöðli ársins 2002. Borist höfðu tillögur eftir fréttatilkynningu á vef Bæjarins besta. Tillögurnar teknar fyrir ásamt tillögum nefndarmanna. Niðurstaða kosningarinnar verður ekki kunngjörð strax.
Uppkast að greinargerð lagt fram og rætt. Greinargerð samþykkt með þremur atkvæðum.
Bréf frá Áslaugu S. Alfreðsdóttur dagsett 20. janúar s.l., varðandi
Veturnætur" árlega lista- og menningarviku lagt fram. Menningarnefnd vísaði
bréfinu til atvinnumálanefndar á fundi sínum þann 4. febrúar s.l.
Lagt fram til kynningar
Lagt fram bréf frá samgöngunefnd Alþingis dagsett 25. febrúar s.l., ásamt
tillögu til þingsályktunar um aðgang landsmanna að GSM-farsímakerfinu. Óskað er
umsagnar sveitarfélaga á tillögunni fyrir 10. mars nk. Bæjarráð óskaði umsagnar
atvinnumálanefndar á erindinu á fundi sínum þann 3.mars sl.
Atvinnumálanefnd telur eðlilegast að hyggist ríkið stuðla að útbreiðslu á GSM
kerfinu þar sem það er óarðbært, sé slíkt gert með útboðsfyrirkomulagi líkt og
gert er ráð fyrir í frumvarpi til fjarskiptalaga.
Fleira ekki gert, fundarbókun upp lesin og samþykkt, fundi slitið kl. 19:00
Elías Guðmundsson, formaður. Kristján G. Jóhannsson.
Björn Davíðsson. Gísli H. Halldórsson.
Rúnar Óli Karlsson, atvinnu- og ferðamálafulltrúi, er jafnframt ritaði fundargerð.