Atvinnumálanefnd
2. fundur
Árið 2000, miðvikudaginn 8. nóvember kl. 17:00 hélt atvinnumálanefnd Ísafjarðarbæjar fund í fundarsal bæjarstjórnar í Stjórnsýsluhúsinu á Ísafirði. Mættir voru undirritaðir.
Þetta var gert:
1. Aðalsteinn Óskarsson, framkvæmdastjóri Atvinnuþróunarfélags Vestfjarða hf., mætir til fundar hjá atvinnumálanefnd.
Á fundinn mætti Aðalsteinn Óskarsson, framkvæmdastjóri Atvinnuþróunar- félags Vestfjarða, til almennra viðræðna um atvinnumál í Ísafjarðarbæ og til að upplýsa nýja atvinnumálanefnd um Atvinnuþróunarfélagið og þau verkefni sem þar eru í gangi og önnur er lokið hefur verið við. Almennar umræður urðu í nefndinni eftir framsögu Aðalsteins um málefnið.
2. Hugmyndir um atvinnumál frá Henrý J. Bæringssyni.
Lagðar fram til kynningar hugmyndir og hugleiðingar Henrý J.
Bæringssonar, nefndarmanns í atvinnumálanefnd, um atvinnumál í Ísafjarðarbæ í
nútíð og framtíð.
Lagt fram til kynningar.
3. Erindisbréf atvinnumálanefndar.
Tekin fyrir að nýju drög að erindisbréfi fyrir atvinnumálanefnd Ísafjarðarbæjar, er áður voru fram lögð á 1. fundi nefndarinnar.
Atvinnumálanefnd gerir ekki athugasemdir við drög að erindisbréfi fyrir nefndina og samþykkir þau fyrir sitt leyti.
4. Framkvæmda- og kostnaðaráætlun við endurbætur á tjaldsvæði Ísafjarðarbæjar í Tungudal.
Lagt fram bréf frá Landmótun, Nýbýlavegi 6, Kópavogi, dagsett
19. október s.l., áætlun um uppbyggingu tjaldsvæðis í Tungudal, Skutulsfirði.
Bréfinu fylgir jafnframt gróf kostnaðaráætlun sem greind er í eina sjö verkþætti
auk hönnunarkostnaðar og nýrrar þjónustubyggingar. Heildarkostnaður er um kr. 12,2
milljónir.
Bréfinu fylgir og samanburður á fimm stöðum í Ísafjarðarbæ fyrir tjaldsvæði.
Atvinnumálanefnd leggur til að farið verði að tillögum Landmótunar um framtíðaruppbyggingu tjaldsvæðis í Tungudal. Framkvæmdatími verði áætlaður þrjú ár, en svæði E verði tekið síðar. Áhersla verði lögð á nýtt þjónustuhús og lagfæringar á bílastæði á árinu 2001. Starfsmanni nefndarinnar er falið að vinna greinargerð með kostnaðaráætlun og leggja fram við fjárhagsáætlunargerð fyrir árið 2001.
5. Stöðumat stefnumótunar í atvinnumálum.
Rúnar Óli Karlsson, atvinnu- og staðardagskrárfulltrúi Ísafjarðarbæjar, lagði fram greinargerð Stöðumat stefnumótunar í atvinnumálum, sem unnið er af honum og Einari Snorra Magnússyni, er starfaði hjá AtVest. Í greinargerðinni eru talin upp mýmörg atriði úr stefnumótun Ísafjarðarbæjar í atvinnumálum 1999-2003 og flokkuð í það sem þegar er hafið, er í vinnslu og undirbúningi og það sem bæta má.
Lagt fram til kynningar.
Fleira ekki gert og fundi slitið kl. 18:40
Þorleifur Pálsson, ritari.
Kristján Haraldsson, formaður. Bjarki Bjarnason.
Halldór Antonsson. Rúnar Óli Karlsson.