Sunnudaginn 14. mars 1999 kl. 17.00 kom almannavarnanefnd Ísafjarðarbæjar saman til fundar í stjórnstöð almannavarna við Fjarðarstræti.

Til fundarins mættu allir aðalmenn nema bæjarstjóri en í hans stað mætti Ragnheiður Hákonardóttir forseti bæjarstjórnar. Í stað Friðnýjar Jóhannesdóttur mætti Elínborg Bárðardóttir og er þetta hennar fyrsti fundur í nefndinni.

Lögreglustjóri í samráði við veðurstofu, leggur til að rýmingu á svæði C á Ísafirði og svæði M í Hnífsdal auk sorpbrennslunnar Funa í Engidal verði aflétt.

Nefndin samþykkir að rýmingu verði aflétt á framangreindum svæðum.

Bæjarstjóri Halldór Halldórsson mætti á fundinn kl. 17.15.

Lögreglustjóri greindi frá snjóflóði sem féll á Seljalandsdal. Í flóðinu skemmdust allir staurar topplyftunnar, einir fimm staurar í aðallyftunni, auk lyftuskúra, vinnuvéla og fleira.

Fleira ekki gert, fundargerð upp lesin og fundi slitið kl. 17.35.