Almannavarnanefnd
Laugardaginn 13. mars 1999 kl. 15.00 kom almannavarnanefnd Ísafjarðarbæjar saman til fundar í stjórnstöð almannavarna við Fjarðarstræti.
Til fundarins mættu allir aðalmenn nema bæjarstjóri en í hans stað mætti Ragnheiður Hákonardóttir forseti bæjarstjórnar. Auk aðalmanna mætti Oddur Árnason aðalvarðstjóri, staðgengill lögreglustjóra í almannavarnanefnd og snjóflóðaeftirlitsmaður veðurstofu Oddur Pétursson.
Kl. 20.00 þann 12.3.´99 var rýmt á reit C á Ísafirði skv. símbréfi veðurstofu kl. 19.00 þann dag.
Kl. 22.30 þann 12.3.´99 var rýmt á reit M í Hnífsdal (hesthúsahverfi) skv. símbréfi veðurstofu kl. 22.30 þann dag.
Lagðir fram minnispunktar lögreglustjóra frá í morgun til aðalvarðstjóra Odds Árnasonar um rýmingu í Funa auk gripahúsa á Kirkjubóli.
Til umræðu kom hvernig á að bregðast við snjóflóðahættu í einstaka bæjum.
Almannavarnanefnd er sammála um að halda áfram þeim rýmingum sem eru í gangi.
Fleira ekki gert, fundargerð upp lesin og fundi slitið.
Ragnheiður Hákonardóttir Ólafur Helgi Kjartansson
Ármann Jóhannesson Þorbjörn J. Sveinsson
Bjarki Rúnar Skarphéðinsson Oddur Pétursson
Friðný Jóhannesdóttir Oddur Árnason
Gísli Gunnlaugsson