Almannavarnanefnd
51. fundur
Þriðjudaginn 4. janúar 2005 kl. 18:00 kom almannavarnanefnd Ísafjarðarbæjar saman
til fundar í stjórnstöð almannavarna við Fjarðarstræti, Ísafirði.
Fundargerð ritaði Stefán Brynjólfsson.
Mættir eru undirritaðir:
Dagskrá:
Farið var yfir stöðuna. Lögð fram sérveðurspá fyrir Vestfirði sem gildir til kl. 06:00 5. janúar.
Snjóflóð hafa fallið að Hrauni í Hnífsdal og eyðilagt gamla íbúðarhúsið en skemmt það nýja. Þá hefur fallið snjóflóð á fjölbýlishús við Árvelli, brotið glugga og snjór farið inn um allt. Þá hefur spennistöð við Árvelli eyðilagst.
Á Kirkjubólshlíð hafa fallið mörg snjóflóð utan Naustahviltar og á Kirkjubólshlíð innri.
Símasamband er komið á við Súðavík og útvarps- og sjónvarpssamband er komið í lag.
Almannavarnanefnd tekur þá ákvörðun í samráði við Veðurstofu að fyrri ákvarðanir um rýmingu standi áfram. Einnig er áfram varað við umferð á athafnasvæðum þeirra fyrirtækja sem nefndin hefur áður ákveðið takmarkaða dvöl á.
Vegna mikillar snjósöfnunar í Skollahvilft við Flateyri varar nefndin fólk við ferðum utan þess svæðis sem garðurinn ver.
Nefndin varar fólk við ferðum í hlíðum þar sem víða er hætta á ferðum þar sem snjósöfnun er.
Áfram verður fylgst með veðri.
Fundur boðaður kl. 06:00 5. janúar.
Fleira ekki gert, fundargerð upplesin og undirrituð. Fundi slitið kl. 19:00
Halldór Halldórsson, formaður | Sigríður B. Guðjónsdóttir, sýslumaður |
Snorri Hermannsson, | Júlíus Ólafsson, |
Þorbjörn J. Sveinsson, | Helgi Kr. Sigmundsson, |
Stefán Brynjólfsson, | Önundur Jónsson, |
Oddur Pétursson | |