Almannavarnanefnd
Þriðjudaginn 17. október 2000 kl.16:00, kom almannavarnanefnd Ísafjarðarbæjar saman til fundar í stjórnstöð almannavarna við Fjarðarstræti.
Þetta var gert:
Rýmingarkort yfir Hnífsdal:
Lagt fram bréf lögreglustjóra, dags. 17. okt. 2000, þar sem lagðar eru fram tillögur um breytingu á rýmingareit þannig að reitur M verði lagður af, en viðvörunarljósabúnaður fyrir hesthús á Búðatúni og fjárhús við Heimabæjarstíg komi í staðinn, og að reitur N verði endurskoðaður, þannig að af húsum með fasta búsetu verði eingöngu Árvellir 2-4 innan þess reits. Sérstaklega verði athugað hvort félagsheimilið við Strandgötu verði innan reits N. Formanni og lögregustjóra er falið að vinna áfram að málinu.
Endurskoðun rýmingabæklinga og kynning:
Framkvæmdastjóra almannavarnanefndar falið að endurskoða bæklinginn með það fyrir augum að einn og sami bæklingurinn verði fyrir Ísafjörð, Hnífsdal og Flateyri. Breyting á reitaskiptingu verði unnin í samráði við Tæknideild Ísafjarðarbæjar.
Húsnæðismál og laus búnaður:
Rætt um húsnæðis- og búnaðarmál almannavarnanefndar. Framkvæmdastjóra falið að taka saman lista yfir þann lausa búnað sem til er og gera tillögu til nefndarinnar um þann búnað sem nauðsynlegt er að nefndin eignist.
Fjárhagsáætlun:
Á næsta fundi nefndarinnar verði lögð fram fjárhagsáætlun nefndarinnar fyrir árið 2001.
Samningar við björgunarsveitina og Rauða krossinn:
Rætt um samninga við björgunarsveitirnar á svæðinu og Rauða krossinn. Lögreglustjóra falið að fara yfir þá samninga sem hafa verið gerðir og gera tillögu að breytingu á þeim í samráði við björunarsveitirnar og Rauða krossinn.
Samlestur:
Stefnt að fundi í nóvember og verði á þeim fundi m.a. samlestur.
Fleira ekki gert, fundagerð upplesin og fundi slitið kl. 17:18
Ólafur Helgi Kjartansson Stefán Brynjólfsson, ritari
Unnur Brá Konráðsdóttir Halldór Halldórsson
Kristján Finnbogason Gísli Gunnlaugsson
Snorri Hermannsson Friðný Jóhannesdóttir
Þorleifur Pálsson Sigurður Mar Óskarsson
Þorbjörn J. Sveinsson