Árið 2005 fimmtudaginn 17. nóvember kl. 14:00 kom byggingarnefnd um byggingu íþróttahúss á Suðureyri saman í Grunnskólanum á Suðureyri. Mættir voru: Bryndís Ásta Birgisdóttir, formaður, Svanlaug Guðnadóttir, Snorri Sturluson, Jón Björnsson, íþrótta- og tímstundafulltrúi, Jóhann Bæring Gunnarsson, verkefnisstjóri og Jóhann Birkir Helgason, bæjartæknifræðingur, sem jafnframt ritaði fundargerð.

Gengið um íþróttahúsið á Suðureyri og það skoðað.

• 30. september s.l. eftirlitsaðili gerði 37 athugasemdir.
• 20. október s.l., eftirlitsaðili gerði 12 athugasemdir, alls var 21 atriði sem átti eftir að ljúka við.
• 4. nóvember s.l., verktaki átti eftir að ljúka við 16 atriði.
• 11. nóvember s.l., 9 atriði sem átti eftir að lagfæra.
• 16. nóvember s.l., 4 athugasemdir gerðar.
• Þau atriði sem verktaki á eftir að ljúka við eru eftirfarandi:

Leki við þakglugga.
Leki í anddyri.
Eftir að leggja fram reyndarteikningar.
Skipta þarf um gler næst Grunnskólanum á Suðureyri.

Verktaki er búinn að leggja fram framkvæmdaáætlun fyrir því sem eftir er. Reyndarteikningar verða lagðar fram eigi síðar en miðvikudaginn 23. nóvember n.k. Gert verður við lekann eigi síðar en föstudaginn 25. nóvember 2005. Þá er í pöntun nýtt gler og gert ráð fyrir að það verði komið í um komandi mánaðarmót.

Byggingarnefnd telur að óvenju langur tími hafi liðið frá því að lokaúttekt fór fram (30. sept. s.l.) þar til að verktaki lauk við flest þau atriði sem gerð voru við lokaúttektina.

Lögð fram greinargerð frá Tækniþjónustu Vestfjarða er varðar tafabætur vegna þeirra tafa sem hafa orðið á verkinu. Þar kemur fram að samningsupphæð er kr. 56.498.000.-. Í útboðsgögnum er gert ráð fyrir að tafabætur séu 0,1 % af samningsupphæð pr. almanaksdag. Samtals eru þetta 65 dagar x 56.498 kr. pr. dag eða samtals kr. 3.672.370,-

Ísafjarðarbær tekur við húsinu frá og með 17. nóvember 2005. Verktaki á þó eftir að ljúka við ofangreind atriði. Byggingarnefnd telur að vel hafi tekist til með húsið, heildarmynd sé góð og aðkoma öll hin glæsilegasta.

Þá telur byggingarnefnd sig hafa skilað sínu hlutverki.

Fleira ekki gert og fundi slitið kl. 15:05

Bryndís Ásta Birgisdóttir, formaður.

Svanlaug Guðnadóttir. Snorri Sturluson.

Jóhann Bæring Gunnarsson, verkefnastjóri. Jón Björnsson,   íþrótta- og tómstundafulltrúi.

Jóhann Birkir Helgason, bæjartæknifræðingur.