Flřtilei­ir

Leiklist og leikh˙s

 

Í Ísafjarðarbæ eru starfrækt þrjú áhugamannaleikfélög og eitt atvinnuleikhús. Að auki eru sýningar hjá leikfélagi Menntaskólans á Ísafirði árviss viðburður í tengslum við Sólrisuhátíð Nemendafélagsins.


Kómedíuleikhúsið

 

Kómedíuleikhúsið er fyrsta atvinnuleikhúsið á Vestfjörðum. Leikhúsið var stofnað árið 1997 af Elfari Loga Hannessyni og Róberti Snorrasyni. Á fyrsta starfsári setti leikhúsið upp þrjá leiki; Tröllið sem prjónaði, Töfrataskan og Kómedía ópus eitt. Frá árinu 2001 hefur Kómedíuleikhúsið einbeitt sér að einleikjum. Fyrsti leikurinn var Leikur án orða eftir Samuel Beckett, síðan komu sex leikir úr smiðju leikhússins; Muggur (2002), Steinn Steinarr (2003), Gísli Súrsson (2005), Dimmalimm (2006), Skrímsli (2007) og Jólasveinar Grýlusynir (2007). Bæði Gísli og Dimmalimm eru enn á fjölunum en þeim hefur verið mjög vel tekið. Útlaginn Gísli Súrsson hefur verið sýndur um 170 sinnum og Dimmalimm oftar en 60 sinnum. Báðir leikirnir hafa einnig verið sýndir erlendis og Gísli hefur tvívegis hlotið verðlaun á alþjóðlegum leiklistarhátíðum í Þýskalandi og í Albaníu. Nýjasti einleikur Kómedíuleikhússins er Pétur og Einar, eftir Soffíu Vagnsdóttur sem jafnframt er leikstjóri. Leikari er að vanda Elfar Logi Hannesson. Í þessari sýningu er sögð saga tveggja frumkvöðla og athafnamanna í Bolungarvík á síðustu öld, þeim Pétri og Einari sem áttu stóran þátt í því að breyta Bolungarvík úr þorpi i bæ. Kómedíuleikhúsið stendur fyrir leiklistarhátíðinni ACT ALONE sem er haldin árlega yfir sumartímann á Ísafirði. Hátíðin er helguð einleikjum og er aðgangur ókeypis sem er nú bara einleikið.


ACT ALONE var fyrst haldin árið 2004 og hefur vegur hátíðarinnar dafnað vel síðan, því á hátíðinni 2007 voru sýndir um 20 leikir auk þess sem haldin voru leiklistarnámskeið og fleira var einleikið. ACT ALONE 2008 verður haldin dagana 2. - 6. júlí og verður boðið uppá 24 leiki bæði innlenda og erlenda auk námskeiða. Einnig verður haldin svonefnd Litla ACT ALONE í Iðnó í Reykjavík 8. júlí þar sem erlendu leikir hátíðarinnar verða sýndir. Starfsemi Kómedíuleikhússins er ekki bara einleikin því leikhúsið á einnig í fórum sínum tvo tvíleiki, Ég bið að heilsa, 2007, sem er byggður á verkum Jónasar Hallgrímssonar, og Búlúlala - Öldin hans Steins, 2008, þar sem annað stórskáld er í aðalhlutverki. Kómedíuleikhúsið hefur gefið út tvær bækur. Önnur þeirra er Leikræn tjáning eftir Elfar Loga Hannesson en hún er löngu uppseld. Sumarið 2006 gaf Kómedíuleihúsið svo út bókina Íslenskir einleikir sem inniheldur 11 leiki allt frá Gísla Súrssyni til Síðasta segulbands Hrapps. Kómedíuleikhúsið hefur einnig gefið út þrjár hljóðbækur; Þjóðsögur úr Vesturbyggð, Þjóðsögur úr Ísafjarðarbæ og Þjóðsögur úr Bolungarvík. Næsta hljóðbók Kómedíu verður Þjóðsögur af Ströndum sem kemur út í haust. Hljóðbækurnar og einleikjabókin fást í vefverslun Kómedíu og er sent hvert á land sem er og jafnvel til útlanda.
Heimasíða Kómedíuleikhússins: http://www.komedia.is/ 

Heimasíða Act alone:  http://www.actalone.net

 

Litli Leikklúbburinn

 

Litli Leikklúbburinn var stofnaður árið 1965 af ungu fólki á Ísafirði. Fyrstu  árin voru allar sýningar í Alþýðuhúsinu á Ísafirði en seinna í Félagsheimilinu í Hnífsdal. Nokkur síðustu árin hefur húsnæðisskortur hamlað starfseminni, en nú á leikklúbburinn framtíðarhúsnæði í  Edinborgarhúsinu, sem verður eitt af menningarhúsum landsins.

Sýningar Litla Leikklúbbsins hafa oft gengið mjög vel, og er skemmst að minnast uppsetningu á Söngvaseið vorið 2003, sem var valin áhugaleiksýning ársins og sett á svið Þjóðleikshússins þá um sumarið. Alls hefur LL sett upp 75 leikverk af ýmsum toga; söngleiki, barnaleikrit, sakamála- og gamanleikrit, kabaretti og útileikrit, ýmiskonar skemmtidagskrár fyrir bæjarbúa og farið í leikferðir um landið.

Aðalaðsetur leikfélagsins er í Edinborgarhúsinu á Ísafirði.  Formaður er Friðrik Stefánsson.
Sími: 456 5444
Póstfang: steini@snerpa.is

 

Leikfélagið Hallvarður súgandi

 

Leikfélagið Hallvarður súgandi ber nafn sitt af landnámsmanninum, Hallvarði súganda, sem nam land í Súgandafirði og gaf honum nafn. Leikfélagið var stofnað árið 1982 en hafði fyrir þann tíma starfað innan íþróttafélagsins Stefnis á Suðureyri. Árið 1989 lagðist starfsemi félagsins niður og var það ekki virkt fyrr en það var endurvakið árið 1998 af áhugasömu fólki um leiklist. Félagið hefur síðan þá sett upp hverja sýninguna á fætur annarri og hefur ekki í hyggju að slá slöku við. Markmið félagsins er að virkja menningu og mannlegar listir í Súgandafirði og Ísafjarðarbæ öllum.

Leikfélagið Hallvarður súgandi hefur markað sér þá stefnu að setja upp að minnsta kosti eitt leikverk á ári. Þessi verk hafa verið sýnd á Sæluhelginni, bæjarhátíð sem haldin er á hverju sumri. Hefð er komin á Sæluhelgina, en þessi fjölskylduhátíð er flestum Vestfirðingum að góðu kunn og markast upphaf hennar yfirleitt af frumsýningu leikfélagsins hverju sinni. Frumsýningin fer yfirleitt fer fram annan fimmtudag júlímánaðar - því er um langa helgi að ræða.
Leikfélagið hefur aðsetur við Aðalgötu 13 (félagsheimilinu) á Suðureyri.  Formaður er Erna Guðmundsdóttir
Póstfang: ernagudm@khi.is
Sími: 661 2902
Vefur: www.hallvardur.is

 

Leikfélag Flateyrar

 

Leikfélag Flateyrar var stofnað upp úr 1950 eða um líkt leyti og Bandalag íslenskra leikfélaga. Áður höfðu Íþróttafélagið Grettir og kvenfélagið á Flateyri staðið fyrir öflugu starfi. Ljóst er að löng leiklistarhefð er á Flateyri og stóð Leikfélag Flateyrar fyrir mjög öflugu starfi um árabil, þar sem sýningar voru árviss viðburður. Um 1980 hófst starfsemi leikfélagsins aftur af fullum krafti eftir að hafa legið niðri um nokkurra ára skeið og var svo allt þar til 1998 en síðustu ár hefur starfssemin verið stopulli.
Formaður er Sigrún Gerða Gísladóttir
Sími: 456 7770

Vi­bur­adagatal
« Oktˇber »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Vefumsjˇn