Á vegum Þjóðkirkjunnar eru starfandi fjórir sóknarprestar í Ísafjarðarbæ. Hver um sig þjónar ákveðnu landssvæði eða prestakalli þar sem haldið er uppi reglulegu helgihaldi og safnaðarstarfi. Starfið er auglýst í dagblöðum, á heimasíðum og í verslunarmiðstöðvum. Auk þess sinna prestarnir sálgæslu við einstaklinga og þjónustu við sjúkrahúsið og dvalarheimli aldraðra.

Hvítasunnukirkjan var formlega stofnuð þann 1. janúar 1945 undir nafninu „Salemsöfnuðurinn á Ísafirði“. Árið 1993 var nafninu breytt í Hvítasunnukirkjan Salem í samræmi við nöfn annarra Hvítasunnukirkna á landinu. Frá árinu 1947 hefur söfnuðurinn átt Fjarðarstræti 24 og haft aðsetur þar.

Kapella Jóhannesar guðspjallamanns á Ísafirði stendur við Mjallargötu 9 á Ísafirði. Árið 1989 keypti kaþólska kirkjan gamalt hús á Ísafirði, byggt 1835, og breytti í litla kapellu, sem vígð var sama ár. Ný kapella var svo byggð bak við húsið og blessuð árið 1999 af Jóhannesi Gijsen Reykjavíkurbiskup. Teresusystur (kærleiksboðarnir) koma reglulega til Ísafjarðar til að aðstoða prestinn og hafa þá aðsetur í Tangagötu 15B.

Bahá'í trúin er með yngstu trúarbrögðum heims og á upphaf að rekja til ársins 1844 í Persíu, en hún er landfræðilega næstútbreiddust allra trúarbragða heims, strax á eftir kristni.

Soka Gakkai International er félagsskapur fólks í yfir 180 löndum og héruðum um allan heim, sem iðka Buddískar kenningar Nichiren Daishonins. „Soka" er japanska og þýðir verðmætasköpun, „gakkai" þýðir samfélag. Tilgangur Soka Gakkai International er að vinna að velferð þjóðfélagsins sem góðir þjóðfélagsþegnar og virða menningu, siði og lög þess lands sem þeir búa í, stuðla að framgangi mannúðarsjónarmiða í menningu og menntun sem byggð  eru á búddískum kenningum Nichiren Daishonin og styðja Sameinuðu þjóðirnar í starfi sínu fyrir friði í heiminum og leita lausna á fátækt, kúgun og umhverfisvandamálum.

Vottar Jehóva eru til húsa í Aðalstræti 19, Ísafirði.
Sími: 554 6246.
Póstfang: von@internet.is
Samkomur eru sunnudaga kl. 13.00 og fimmtudaga kl. 19.00.