Velkomin á vef Ísafjarðarbæjar

Fundargerð

Mætt voru: Gísli H. Halldórsson, formaður, Rannveig Þorvaldsdóttir og Elín Halldóra Friðriksdóttir. Kristín Oddsdóttir sat fundinn í forföllum Hrefnu R. Magnúsdóttur og Gréta Gunnarsdóttir í forföllum Ingu S. Ólafsdóttur. Jafnframt sátu fundinn Margrét Geirsdóttir, forstöðumaður Skóla- og fjölskylduskrifstofu, Guðný Steingrímsdóttir og Anna Valgerður Einarsdóttir, starfsmenn Skóla- og fjölskylduskrifstofu.

Guðný Steingrímsdóttir ritaði fundargerð.

Þetta var gert:

1. Jafnréttisstofa

Lagður fram til kynningar bæklingur frá Jafnréttisstofu, sem er hluti af aðgerðum til að auka hlut kvenna í komandi sveitarstjórnarkosningum.

2. Klúbburinn Geysir

Lagt fram erindi frá Klúbbnum Geysi, þar sem óskað er eftir fjárstyrk.

Félagsmálanefnd hafnar erindinu og kýs að styðja sambærilegt starf í eigin sveitarfélagi.

3. Trúnaðarmál

Sex trúnaðarmál rædd og færð til bókar í trúnaðarmálamöppu félagsmálanefndar.

4. Önnur mál

a) Starfsdagur félagsmálanefndar

Umræða um málefni sem tekin verða fyrir á starfsdegi nefndarinnar í febrúar n.k.  

b) Þjónusta við aldraða.

Rætt um umsóknir sem sendar voru til Framkvæmdasjóðs aldraðra. Umsókn um byggingu hjúkrunarheimilis, umsókn varðandi tækjakost til dagvistar á Hlíf og umsókn vegna breytinga vegna flutnings vinnustofu upp á 4. hæð Hlífar. Einnig rætt um skipulagsbreytingar á Hlíf, um flutning heimaþjónustu, aðstöðu fyrir félag eldri borgara og aðstöðu fyrir heimahjúkrun.

Fundir voru haldnir í desember og janúar með íbúum Hlífar til að kynna hugmyndir um skipulagsbreytingar sem og breytingu á þjónustu.  

Fleira ekki gert, fundargerð upp lesin og samþykkt, fundi slitið kl. 18: 20.