Flřtilei­ir

Tillaga 00001 -

Gögn:

 

Uppdrættir

Greinargerð

 

Umsögn dómnefndar:

 

Tillagan sýnir skýra heildarmynd með vel afmörkuðum þjónustukjarna og augljósum gönguleiðum.

 

Byggingin myndar ágæta heildarmynd með sjúkrahúsinu en um leið er form húshluta í góðu samræmi við minni mælikvarða byggðarinnar umhverfis. Þakyfirbygging við inngang er ekki sannfærandi og tenging við norðurenda spítalans óhagkvæm.

 

Þjónustuhluti, þ.m.t. fjölnotasalur og iðjuþjálfun, er of dreifður og einangraður frá íbúðarhluta og almenningsrými við íbúðarherbergi er umfangsmikið, innilokað og nýtur lítillar dagsbirtu.

Hugmynd að útleigu salarins er góð en aðkoma að honum er langt frá aðalinnganginum.

Íbúðir eru afar vel leystar og notaleg tengsl út á litla verönd eða í sameiginlega inngarða sem opnast út á lóðina umhverfis.

 

Útfærsla á stórum trépöllum við eldhús/setustofu ásamt trélögðum götum/húsasundum að stígakerfi á lóð virðist nokkuð umfangsmikil miðað við aðstæður.

 

Stígar og lóð eru ágætlega unnin, en tillaga að stækkun er ekki góð þar sem hún liggur langt frá inngangi og rýrir garðinn um of. Grjóthleðsla við lóðamörk er áhugaverð og leysir vel áreiti vegna bílaumferðar.

Vel til fundið er að leggja þök lyngtorfi þar sem útsýni frá sjúkrahúsinu og efri byggðum er yfir þessi þök.

 

Tillagan er skýrt sett fram og efnisval og útlit aðlaðandi.

 

Uppbrot á þaki líta vel út en eru mjög flókin og erfið í uppbyggingu.

 

- Helsti styrkur tillögunnar eru að mati dómnefndar íbúðarherbergin og tengsl þeirra við lóðina.

- Helstu veikleikar eru aðalinngangur og gangarými, sérstaklega í íbúðarálmum sem eru innilokaðar og dimmar ásýndar.

Vi­bur­adagatal
« September »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        
Vefumsjˇn