Flřtilei­ir

Ůingeyrarh÷fn

Sími: 450 8088 - Fax:  456 8445 - Farsími: 863 9321 

Póstfang: thinghofn@isafjordur.is
Hafnarvörður á Þingeyri er Ármann Múli Karlsson.

 

Þingeyri við sunnanverðan Dýrafjörð er mjög gamall verslunarstaður. Þar stendur pakkhús eða vörugeymsla frá miðri 18. öld, eitt af elstu húsum landsins. Nafnið mun vera dregið af Dýrafjarðarþingi sem þarna var háð til forna. Á Þingeyri var bækistöð bandarískra lúðuveiðimanna seint á 19. öld og franskir duggarar voru þar tíðir gestir. Elsta starfandi vélsmiðja landsins er á Þingeyri. Smiðjan ber nafn Guðmundar J. Sigurðssonar og tók til starfa árið 1913. Til hennar leituðu innlend og erlend skip eftir þjónustu sem var annáluð jafnt innan lands sem utan. Á Framnesi í firðinum norðanverðum var um tíma rekin hvalveiðistöð sem veitti fjölda manns atvinnu. Sunnan Þingeyrar er tilkomumesti fjallgarður Vestfjarða. Hann hefur verið nefndur Vestfirsku alparnir og geta unnendur íslenskrar náttúru fundið þar margt við sitt hæfi. Þar eru margar fallegar gönguleiðir og hjólaleiðir og skipulagðar ferðir í boði. Íbúar á Þingeyri eru um 300.

 

Höfnin á Þingeyri er almennt séð góð höfn með auðveldri aðkomu og nægu dýpi, svo hægur leikur er að sigla inn stærri sem smærri bátum. Legupláss er á höfninni fyrir þrjú stór skip og er hægt að þjónusta tvö þeirra samtímis. Smábátahöfn er góð og örugg með flotbryggju, en að auki er þar upptökubraut til að taka upp smábáta. Stutt er á gjöful fiskimið, sér í lagi fyrri hluta sumars þegar Nesdýpi hefur gefið mjög góðan afla, en að auki eru góðar snurvoðableyður út af Dýrafirði. Stutt sigling er til Þingeyrar frá Hampiðjutorgi og Dohrnbanka, vilji menn sækja olíu, vatn og vistir.

 

Á Þingeyri er fiskmarkaður með íssölu, löndunar- og slægingaþjónustu. Þar er boðið upp á viðgerðarþjónustu, bæði fyrir véla- og rafbúnað. Tveir löndunarkranar eru hvor á sínum hafnargarðinum til að tryggja að löndun úr smábátum gangi hratt og örugglega fyrir sig.

Vefumsjˇn