Flřtilei­ir

Ůjˇnusta vi­ eldri borgara

Þjónusta við elli- og örorkulífeyrisþega Ísafjarðarbæjar miðar að því að þeir geti búið við eðlilegt heimilislíf svo lengi sem unnt er.  Þeir eiga rétt á almennri þjónustu sem veitt er á félagsmálasviði í samræmi við lög um félagsþjónustu sveitarfélaga nr. 40/1991 og lög um málefni aldraðra nr. 125/1999.

 

Félagsmálanefnd fer með málefni félagsþjónustu fyrir elli- og örorkulífeyrisþega í umboði bæjarstjórnar. Starfsmenn félagsþjónustu Ísafjarðarbæjar sjá um framkvæmd þjónustunnar. Heimaþjónustu annast starfsfólk á vegum félagsþjónustu Ísafjarðarbæjar. 

 

Þjónusta við elli- og örorkulífeyrisþega er stöðugt að taka breytingum vegna breyttra þjóðfélagsaðstæðna og nýrra hugmynda sem fram koma í þjónustu við þennan ört stækkandi þjóðfélagshóp.

 

Sú margþætta þjónusta sem veitt er á Hlíf stendur öllum elli- og örorkulífeyrisþegum Ísafjarðarbæjar til boða. Önnur þjónusta við aldraða en sú sem tilgreind er hér að ofan er fólgin í akstri, fæðisþjónustu, hand- og fótsnyrtingu, hárgreiðslu, fjölbreyttu félagsstarfi og vinnustofum á Ísafirði, Suðureyri, Flateyri og Þingeyri. Á Ísafirði og á Suðureyri er rekin dagvist.

Dagdeildir / FÚlagsstarf fyrir eldri borgara

Vinnustofur og félagsstarf aldraðra má finna í byggðarkjörnum Ísafjarðarbæjar.

 

Ísafjörður
Á Hlíf er starfrækt dagdeild sem er opin daglega frá kl. 10-16:30. Sími: 450-8259.
Einnig er þar vinnustofa sem er opin mánudag til fimmtudags kl 10-12 og 13-16.30 og föstudaga kl. 10-12 og 13-15.
Sími: 450-8253.

 

Flateyri
Á Flateyri er starfrækt vinnustofa í Félagsbæ. Hún er opin á mánudögum og fimmtudögum milli kl. 13 og 17.
Sími: 456-7710.

 

Þingeyri
Á Þingeyri er starfrækt vinnustofa í húsakynnum Dvalarheimilisins Tjarnar. 
Hún er opin á mánudögum og fimmtudögum milli klukkan 13.00 og 17:00.
Sími: 456-8142

 

Suðureyri
Á Sunnuhlíð, Túngötu 2, Suðureyri er dagdeild aldraðra til húsa. 
Dagdeildin er opin frá kl. 13-17 alla virka daga.

Sími: 456-6194.

Vefumsjˇn