Dægradvöl er skóladagvist sem starfrækt er í tengslum við Grunnskólann á Ísafirði. Dægradvöl hefur aðstöðu í Félagsmiðstöðinni, sem er staðsett í kjallara sundhallarinnar að Austurvegi. Skóladagvist er einkum ætluð nemendum 1. og 2. bekkjar, en ef aðstæður leyfa komast eldri nemendur líka að.

Hvað er í boði á skóladagvistinni? 
Nemendur í 2. bekk geta fengið aðstoð við heimanám. Stefnt er að því að bjóða upp á íþróttatíma 2-3var í viku. Reglulega er farið á bæjarbókasafnið þar sem haldnar eru sögustundir fyrir börnin. Að öðru leyti eru þau við frjálsan leik, föndur, spil o.fl. ýmist úti eða inni.

 

Greiðsla fyrir dvöl i heilsdagsskóla
Reikningar fyrir skóladagvistina eru greiddir eftir á. Þeir miðast við skráningu barnanna og er ekki dregið frá þótt börnin séu í leyfi eða veik hluta mánaðarins. Skráning getur verið til klukkan 14, 15, eða 16. Hægt er að skrá barnið 1-5 daga í viku. Vilji fólk breyta skráningu skal það gert um mánaðamót. Systkini fá 30% afslátt. Það gildir einnig ef börnin eiga yngri systkini í fullri gæslu á leikskólum Ísafjarðarbæjar eða hjá dagmæðrum sem skráðar eru hjá Ísafjarðarbæ, þá fær eldra barnið afslátt í Dægradvöl. Þriðja systkinið í gæslu hjá stofnunum bæjarins fær 100% afslátt.

 

Opnunartími
Dægradvöl er opin alla daga sem skólinn starfar, frá því að kennslu lýkur til kl. 16:00. Á starfsdögum og foreldradögum er líka opið.

 

Póstfang og sími
S: 450-8059   –   póstfang: daegradvol@isafjordur.is

 

Umsókn um dvöl í heilsdagsskólanum 
Anna Margrét Sigurðardóttir umsjónamaður sér um skráningu.
Sækja pdf.