Flřtilei­ir

┴hugaver­ir sta­ir Ý ═safjar­arbŠr

Hér eru nokkur dæmi um staði sem vert er að heimsækja.

 

Ísafjörður (Skutulsfjörður)


Miðbær Ísafjarðar
 

Austurvöllur er skrúðgarður hannaður af Jóni H. Björnssyni landslagsarkitekt á árunum 1954 – 55 og vígður fljótlega eftir það.  Austurvöllur er systurgarður Hallargarðsins í Reykjavík sem telst vera tímamótaverk sem fyrsti opinberi garðurinn sem landslagsarkitekt hannar. Hann hefur því verið meira í umfjöllun og í sviðsljóðinu í umræðu um garðsögu Íslands. Tekið hefur verið eftir því af fagmönnum hversu margar upprunalegu útfærslurnar eru enn í garðinum. Umsjónarmaður  garðsins í upphafi var Jón Klæðskeri Jónsson og kona hans Karlinna Jóhannesdóttir. Í garðinum er afsteypa af styttu eftir Ásmund Sveinsson sem nefnist „Fýkur yfir hæðir”.

 

Jónsgarður er elsti skrúðgarðurinn á Ísafirði, opnaður árið 1922. Margir lögðu vinnu í garðinn og voru dagsverk þeirra skrifuð niður í bók. Jón Klæðskeri Jónsson og Karlinna Jóhannsdóttir eiginkona hans voru helstu hvatamenn að gerð garðsins og unnu þau við báða garðana fyrstu árin. Eftir 1970 fóru garðarnir báðir í órækt, en um 1978 var núverandi garðyrkjustjóra falið að koma þeim í betra horf.  Þann 5. Desember 1991 samþykkti bæjarstjórn Ísafjarðar tilllögu frá garðyrkjustjóra að garðurinn bæri nafnið Jónsgarður. Sumarið eftir var vígður minnisvarði um þau hjónin í garðinum, en sá minnisvarði var unninn af Jóni Sigurpálssyni myndlistarmanni.

 

Á gamla sjúkrahústúninu eru tvær styttur;  Kuml stytta eftir Jón Sigurpálson, til minningar um Ragnar H. Ragnars, og Sjómannastyttan sem unnin er af Ragnari Kjartanssyni. Er sú stytta til minningar um drukknaða sjómenn, og er lagður blómsveigur að henni á sjómannadaginn.

 

Víðivellir er gróðursvæði neðan við heilsugæslustöðina á Ísafirði.  Þar er göngubraut og viltur gróður, sem vakið hefur athygli.  Þar var fyrir fjórum árum sett niður afsteypa af styttu eftir Einar Jónsson, nefnist hún Úr álögum.

 

Silfurtorg var endurgert árið 1997. Það var hannað af Pálma Kristmundssyni. Það er hellulagt og miklir steypuskúlptúrar og hlaðinn veggur úr náttúruhellum frá Kristjáni Kristjánssyni á Hvítanesi í Skötufirði standa þar.  Þar standa einnig 7 stór reynitré.

 

Svæðið bak við Hótel Ísafjörð. Þar er reitur þar sem gróðursett voru birkitré af fulltrúum vinabæja Ísafjarðar. Svæðið var endurgert árið 1999, en þá var tyrft, ný bílastæði voru sett og göngustígar voru hellulagðir.

 

Í Tunguskógi er sumarhúsabyggð Ísfirðinga, þar eiga margir Ísfirðingar af Eyrinni sumarhús og dvelja í skóginum yfir sumartímann.  Allir bústaðirnir nema tveir eyðilögðust í miklu snjóflóði árið 1994. Í skóginum er einnig aðaltjaldsvæði Ísfirðinga, unnið hefur verið að því undanfarin ár að byggja svæðið upp undanfarin ár. Staðurinn er frá náttúrunnar hendi afar hentugur, skjólsæll og fagur, með Bunánni sem rennur í gegnum svæðið og náttúrulegri fegurð. Þar er líka golfvöllur Ísfirðinga. Skógræktarfélagið er þar með reiti, en um þá liggja skemmtilegar gönguleiðir.

 

Í Tunguskógi er staðsettur Símsonsgarður sem var stofnaður um 1928 af Maritinus Símson, dönskum ljósmyndara og akrobat, sem hafði mikinn áhuga á garðyrkju.  Setti hann garðinn upp í landi Kornustaða  í Tunguskógi. Hann og Jón klæðskeri munu að öðrum ólöstuðum hafa stuðlað manna mest að gróðuráhuga bæjarbúa á fyrri hluta síðustu aldar. Í dag er Simsonsgarður í eigu skógræktarfélags Ísfirðinga. Hann varð illa úti í mannskæðu snjóflóði árið 1994.

 

Í Tungudalnum er hóll sem heitir Orrustuhóll, en af því nafni er sú saga að einhvern tímann í fyrndinni hafi tvær systur búið í Tungu sem hétu Korna og Kolfinna. Við þær eru kenndir Kornustaðir og Kolfinnustaðir. Þeim systrum kom heldur illa saman og eftir þjóðsögnum að dæma hafa verið um flest líkari tröllum en mennskum konum. Dag nokkurn hittust þær á hólnum og skarst þá svo í odda með þeim að þær flugu saman og höfðu báðar bana af.

 

Siggakofi í Seljandsmúla við Tungudal dregur nafn sitt af geitahirði nokkrum. Um aldamótin og á fyrstu árum síðustu aldar var allmikið um geitur á Ísafirði, og voru þær haldnar til mjólkur. Sigurður Sigurðsson var geitahirðir í bænum og rak hann geiturnar inn í Seljalandsmúla hvern sumarmorgun og aftur í bæinn til mjalta á kvöldin. Gerði hans sér kofa úr hlöðnu grjóti og stendur hann enn uppi á múlanum.

 

Skógarengi er skógarreitur í Tunguskógi þar sem áætlað er að hafa nokkurskonar minningarreit um snjóflóðið sem féll á annan í páskum 1994.  Sumarhúsaeigendur hafa í mörg ár gróðursett þar trjágróður með aðstoð garðyrkjustjóra bæjarins.


Engidalur
Kristínarlundur er reitur þar sem plantað var út trjám til heiðurs Kristínu Magnúsdóttur frá Efri Engidal, þegar hún varð 100 ára.  Gróðursetti bæjarstjórn Ísafjarðar fyrstu trén í svæðið 17. júní 1993.  Síðan hefur verið plantað árlega 100 plöntum í reitinn.

 

Önundarfjörður


Sandfjaran við Holt í Önundarfirði er hvít skeljasandsfjara. Þar er árlega haldinn sandkastalakeppni, þar sem fjölskyldan safnast saman og leikur sér og keppist við að byggja allskonar fígúrur úr sandinum. Hefur þessi skemmtilega fjölskyldukeppni mælst vel fyrir. Verðlaun hafa verið í boði fyrir fjölskylduna sem vinnur. Mun dómarastarfið hafa verið í höndum sýslumanns.

 

Dýrafjörður


Skrúður. Að Núpi í dýrafirði er markverðasti garðurinn á Vestfjörðum, Skrúður, sem allir slíkir garðar bera nafn sitt af í dag.  Garður þessi er gerður um 1909 af séra Sigtryggi sem var þá prestur á Núpi. Garðurinn var endurunninn í upphaflegri mynd af nemendum í garðyrkjuskóla ríkisins árin 1999 og 2000. Í þeim garði eru hvalbein eins og þau sem prýða Jónsgarð á Ísafirði.

Fri­land Hornstranda

1 af 2

Friðlandið á Hornströndum var stofnað árið 1975 og nær yfir nyrsta hluta Vestfjarðakjálkans. Auk hinna eiginlegu Hornstranda nær friðlandið yfir Aðalvík og nágrenni, norðurhluta Jökulfjarða að botni Hrafn-fjarðar og suður að Skorarheiði og botni Furufjarðar.


Nßnar
Vi­bur­adagatal
« AprÝl »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
Vefumsjˇn