Flřtilei­ir
Nefnd: FrŠ­slunefnd
N˙mer: 328
TÝmi: 16:00
Sta­ur: Fundarsalur bŠjarstjˇrnar ═safjar­arbŠjar Ý Stjˇrnsřsluh˙sinu ß ═safir­i.
Dagsetning: 6. febr˙ará2013

Fundarger­

Mættir áheyrnarfulltrúar fyrir leikskólamál: Sif Huld Albertsdóttir, fulltrúi foreldra. Svava Rán Valgeirsdóttir, fulltrúi leikskólastjóra mætti ekki og mætti Helga Björk Jóhannsdóttir í hennar stað.

Mættir áheyrnafulltrúar fyrir grunnskólamál: Sveinfríður Olga Veturliðadóttir, fulltrúi skólastjóra, Edda Graichen og Elfar Reynisson, fulltrúar kennara og Gunnhildur Björk Elíasdóttir, fulltrúi foreldra.

 

Dagskrá:

1.

2013020005 - Drög að frumvarpi til laga um tónlistarskóla.

 

Lögð fram drög að frumvarpi til laga um tónlistarskóla. Frestur til að skila inn athugasemdum rennur út 7. febrúar 2013.

 

Fræðslunefnd gerir engar athugasemdir við frumvarpið.

 

   

2.

2013010070 - Leikskóladeild fyrir 5 ára börn í Skutulsfirði.

 

Bæjarráð Ísafjarðarbæjar bókaði á fundi sínum 28.01.2013, að það óskaði eftir að skóla- og tómstundasvið gerði nú þegar úttekt á möguleika þess að opnuð verði leikskóladeild fyrir fimm ára börn í Skutulsfirði. Þar sem mjög fámennur árgangur er að fara út úr leikskólunum í vor, bendir allt til þess að ekki náist að taka inn öll þau börn sem verða orðin 18 mánaða í haust.

 

Málið er í vinnslu á skóla- og tómstundasviði.

 

   

3.

2011120054 - Umsóknir um úttektir á grunnskólum.

 

Lagt fram bréf frá mennta- og menningarmálaráðuneyti dagsett 17. janúar sl., ásamt skýrslu með niðurstöðum úttektar á starfsemi Grunnskólans á Ísafirði. Í september 2012  fól mennta- og menningarmálaráðuneytið Braga Guðmundssyni og Trausta Þorsteinssyni hjá Gát sf., að gera úttekt á starfsemi GÍ. Úttektin er gerð á grundvelli 38. gr. laga um grunnskóla nr. 91/2008 og samkvæmt þriggja ára áætlun ráðuneytisins um úttektir á grunnskólastigi.

 

Skýrslan lögð fram til kynningar og vinna er þegar hafin við úrbótaáætlun.

 

   

4.

2013020006 - Skimanir.

 

Lögð fram áætlun um þær skimanir sem lagðar eru fyrir í grunnskólum Ísafjarðarbæjar.

 

Lagt fram til kynningar.

 

   

5.

2013020004 - Fréttabréf grunnskóla 2013.

 

Lagt fram fréttabréf janúarmánaðar Grunnskólans á Ísafirði.

 

Lagt fram til kynningar.

 

   

6.

2011100063 - Skólavogin.

 

Kynning á skólavoginni fyrir nefndarmenn.

 

Margrét Halldórsdóttir, sviðsstjóri skóla- og tómstundasviðs,  kynnti fyrir nefndarmönnum það sem að skólavogin hefur upp á að bjóða.

 

   

7.    Önnur mál:

Ólöf Hildur Gísladóttir spurðist fyrir um hvort dagforeldrar ættu rétt á mokstri á heimreið hjá sér og einnig hvort möguleiki væri á að dagforeldrar fái að leigja íþróttahúsið sér að kostnaðarlausu, t.d. einu sinni í mánuði til að hafa hitting. Starfsfólki skóla- og tómstundasviðs falið að skoða málið.

 

Sveinfríður Olga Veturliðadóttir, skólastjóri, gerði athugasemdir við hálkuvarnir við Grunnskólann á Ísafirði.

 

Fleira ekki gert. Fundi slitið kl. 17.20.

 

 

Helga Dóra Kristjánsdóttir

 

Auður Helga Ólafsdóttir

Ólöf Hildur Gísladóttir

 

Gísli Halldór Halldórsson

Sigurlína Jónasdóttir

 

Margrét Halldórsdóttir

Sigurður Jóhann Hafberg

 

 

 

Vefumsjˇn