Bæjarráð

Lagt fram minnisblað Margrétar Halldórsdóttur, sviðsstjóra skóla- og tómstundasviðs, dags. 23. nóvember sl., þar sem farið er yfir húsnæðisvanda Dægradvalar.

Lagt fram minnisblað Margrétar Halldórsdóttur, sviðsstjóra skóla- og tómstundasviðs auk draga að samsstarfssamningi HSV og Ísafjarðarbæjar.

Kynntur er viðauki vegna frístundarútunnar, auk minnisblaðs Margrétar Halldórsdóttur, sviðsstjóra skóla- og tómstundasviðs, dags. 23. nóvember sl. og minnisblaðs Jóns Páls Hreinssonar, bæjarstjóra Bolungarvíkurkaupstaðar, dags. 23. nóvember sl.

Lagt fram bréf Jóhanns Guðmundssonar og Annasar Jóns Sigmundssonar, f.h. atvinnuvega- og nýsköpunarráðuneytis, dagsett 21. nóvember sl. Fjallað hefur verið um umsókn Ísafjarðarbæjar um byggðakvóta fiskveiðiárið 2017/2018 og er niðurstaða ráðuneytisins að úthluta byggðakvóta til sveitarfélagsins með eftirfarandi hætti:

Hnífsdalur - 222 þorskígildistonn
Þingeyri - 281 þorskígildistonn
Flateyri - 300 þorskígildistonn
Suðureyri - 192 þorskígildistonn
Ísafjörður - 140 þorskígildistonn

Umhverfis- og framkvæmdanefnd visar umsögn tilbaka til bæjarráðs með upplýsingar um afstöðu nefndarinnar í samræmi við umræður á fundinum. Jafnframt er lagður fram tölvupóstur Wouter Van Hoeymissen, formanns hverfisráðsins Íbúasamtakanna Átaks á Þingeyri, með umsögn hverfisráðsins um forgangsröðun verkefna á áfangastaðaáætlun Vestfjarða auk umsagnar Eyþórs Eðvarðssonar og Þormóðs Loga Björnssonar, f.h. Fornminjafélags Súgandafjarðar.

Lagt fram bréf Bjarna Sighvatssonar, verkefnisstjóra Isavia, dagsett 15. nóvember sl., ásamt lokaskýrslu vegna flugslysaæfingarinnar sem haldin var á Ísafjarðarflugvelli 7. október sl.

Á 944. fundi bæjarráðs, 13. nóvember sl. var lagt fram minnisblað Þórdísar Sifjar Sigurðardóttur, bæjarritara, dags. 10. nóvember sl., þar sem lagt er til að keypt verði bifreið til afnota fyrir starfsfólk bæjarskrifstofa og stoðþjónustu. Lagður er fram kostnaðarsamanburður þess að vera með bifreið á rekstarleigu og að eiga bifreiðina sjálfa.

Kynntar eru tillögur að gjaldskrám og reglum varðandi gjaldskrár fyrir árið 2018.

Bæjarstjóri leggur til að útsvarsprósenta við álagningu 2018 á tekjur ársins 2017 verði 14,520%.

Dögg Árnadóttir var fulltrúi skapandi greina f.h. Ísafjarðarbæjar, í samráðsvettvangi sveitarfélaga á Vestfjörðum. Hún er flutt úr sveitarfélaginu og það þarf að skipa annan í hennar stað.

Lögð fram framvinduskýrsla fyrir september til október 2017 frá Framkvæmdasýslu ríkisins, dagsett 23. október 2017, vegna snjóflóðavarna á Ísafirði, uppsetningu stoðvirkja í Kubba.

Lagður fram tölvupóstur Bergs Þorra Benjamínssonar, formanns Sjálfsbjargar, dagsettur 23. nóvember sl., vegna úttektar á aðgengi hreyfihamlaðra að sundlaugum landsins. Sundhöll Ísafjarðar var þar á meðal, og fylgir með póstinum bréf vegna úttektarinnar með ábendingum um það sem betur mætti fara.

Lagt fram bréf Ástu Sólar Kristjánsdóttur, f.h. Snorraverkefnisins, dagsett 20. nóvember sl., þar sem óskað er eftir stuðningi við Snorraverkefnið á árinu 2018. Markmið Snorraverkefnisins er að styrkja tengsl afkomenda Íslendinga í Norður-Ameríku við Ísland.

Lagður fram tölvupóstur Þórunnar Karlsdóttur, f.h. Umhverfisstofnunar, dagsettur 22. nóvember sl., þar sem meðfylgjandi er skipunarbréf Kristínar Óskar Jónasdóttur, nýs formanns í Hornstrandanefnd.

Lagður fram tölvupóstur Díönu Jóhannsdóttur, f.h. Visit Westfjords, dagsettur 21. nóvember sl., ásamt fréttatilkynningu um stofnfund Vestfjarðastofu, sem haldinn verður 1. desember nk. Vestfjarðastofa er nýtt fyrirtæki sem styður einstaklinga, fyrirtæki, félagasamtök og sveitarfélög á Vestfjörðum við að ná árangri á sviði nýsköpunar og atvinnuþróunar.

Lagður fram tölvupóstur Aðalsteins Óskarssonar, framkvæmdastjóra Fjórðungssambands Vestfirðinga, dagsettur 21. nóvember sl., ásamt umsögn Fjórðungssambandsins um fjárlagafrumvarp 2018.

Lögð er fram til kynningar fundargerð aðalfundar Hverfisráðs Önundarfjarðar frá 20. september sl.

Lögð er fram fundargerð 154. fundar barnaverndarnefndar á norðanverðum Vestfjörðum sem haldinn var 22. nóvember sl. Fundargerðin er í 3 liðum.

Lögð er fram fundargerð 488. skipulags- og mannvirkjanefndar sem haldinn var 22. nóvember sl. Fundargerðin er í 7 liðum.

Lögð er fram fundargerð 57. fundar umhverfis- og framkvæmdanefndar sem haldinn var 21. nóvember sl., fundargerðin er í 5 liðum.